GoGo Blog

Эр хүн эмгүй бол гэр эзэнгүй

http://bnjigee.blog.gogo.mn — Thu, 18 Feb 2010 10:00:07 ULAT

Эр хүн эмгүй бол гэр эзэнгүй

Эм хүн эргүй бол бие эзэнгүй

манайхан ингэж ярьдаг байжээ

Аугаа их Октъябрийн баярын мэнд хүргэе!

http://bnjigee.blog.gogo.mn — Sat, 7 Nov 2009 13:28:42 ULAT

Нэг л мэдсэн энэ өдөр болчихож. Хүүхэд байхад сумын наадмын талбай дээр шаар бариад ерөнхий сайд шигээ УРА гэж хашгираад жагсдаг байж билээ. Одоо энэ өдөр бараг мартагдаж дээ.

Нэгэн үе цагаан сараас ч илүү том баяр байж. Хүмүүс ч хүлээгээд, орбитын сувгаар Улаан талбайгаас шууд дамжуулаад л. анх хүмүүсийг паспортжуулж төрсөн өдрийг нь тодруулж байж үед болж л өгвөл 11 сарын 07 гэж бичүүлчих гээд л. Тэрний тод жишээ манай өрөөнд суудаг бид бүхний хайрт удирдагч гэх нь ч хаашаа юм нэг профессор.

Ямар азаар биднийг төрөхөд төрсөн өдрийг бас нэрийг минь асуудаггүй байсан юм бэ? Тэгдэг байсан бол бас л 11 сарын 07 гэж хэд хэдэн хүмүүсийн гаргийг нь төөрүүлэх байсан байх даа. Харин миний багын найз хоёр ихэр залуу байдаг юм. Тэдний нэр Октъябрьбаяр, Октъябрьжаргал. Нэр хүртэл ийм байлаа ш дээ.

Ингээд бодохоор би МАХН / би 03 сарын 01-нд төрсөн юм л даа/ гэдэг нар аваагүйдээ баярлаад байх юм.

Ямартай ч энэ өдөр төрсөн бүх хүмүүст төрсөн өдрийн мэнд хүргэе.

Энэ хувьсгалын хийсэн хүмүүсийн гэгээн дурсгалыг хүндэтгэе.

Аугаа их Октъябрийн хувьсгал мандтугай УРА!

Хичээлийн шинэ жилийн мэнд хүргэе!

http://bnjigee.blog.gogo.mn — Mon, 24 Aug 2009 08:28:40 ULAST

Сайн байцгаана уу?

Өнөөдрөөс ШУТИС-ийн хичээлийн шинэ жил эхэлж байна.

Нийт багш, оюутнууддаа хичээлийн шинэ жилийн баярын мэнд хүргэе!

/хавраас хойш юу ч бичээгүй болохоор PC бид 2-ын гар нийлдэггүй ээ/

Аянгын ниргэлэг нь сохор байсан ч

http://bnjigee.blog.gogo.mn — Thu, 30 Apr 2009 16:47:42 ULAST

Аянгын ниргэлэг нь сохор байсан ч, гаргасан гэрэл нь гай зовлонгийн эх хаана байгааг хүмүүст харууллаа

Бас нэг 4 мөр

http://bnjigee.blog.gogo.mn — Mon, 20 Apr 2009 19:27:24 ULAST

Тэртээд зурайх амьдралын харгуйд

Тэмтчин бүдчин бэдрэхдээ

Тэнэгхэн сэтгэлийнхээ золиос болон

Тэрэгний бул шиг элэгдэж явна

1994 он

Салхинд гарцгаах уу

http://bnjigee.blog.gogo.mn — Mon, 20 Apr 2009 16:02:00 ULAST

Ирэх сарын 02 буюу Майн нэгэн болон Баасан ахын төрсөн өдрийн маргааш хотоос жаахан хөндийрч салхилбал ямар вэ нөхдөө?

Эл өдөр хүнүүс зараатах нигуур их тул эрүүл агаарт гарч тэднийгээ баярлуулбал ямар байдаг бол. Ер нь яагаад зараа салхилж болохгүй гэж. Салхинд гарч Зарааг баярлуулах далим бол Банжигийн залуугийн гаргасан мод тарих санаачлага байгаа юм. Мод тарьж хөлс хүч гаргангаа салхилна гэдэг эр хүний жаргалын нэг юм даа. Өө уучлаарай эмэгтэй хүний ч жаргал.

Бяцхан ч гэсэн төгөлтэй болно гэдэг О2-тоо оруулж байгаа том буян юм болов уу даа.

ГоГо-д ийм хаягаар хандаж байгаа юм байна.

Үгүйсгэхгүй байна

http://bnjigee.blog.gogo.mn — Mon, 13 Apr 2009 13:56:38 ULAST

Үгүйсгэхгүй байна

ХАСАР-ын бичсэн Алиа хошин үгнүүдээ дурсах нь буюу Жишээтэй гээч бичлэгийг уншиад нэг сэдэл төрлөө л дөө. Би МҮОНТ-ийн "Долоо хоног" тоймчийн хөтөлбөрийг байнга шахуу үздэг юм л даа. Тэгсэн сэтгүүлч, тоймч Ж.Алтангэрэл гэгч нөхөр жаахан ярьж байгаад л, тийм байж болох гэдгийг "үгүйсэнгүй", тэгсэн болон тэгээгүй гэдгээ "үгүйсгэхгүй байна" гээд л нэг сонин утгатай төгсгөөд байна. /бусад нь бас хэрэглэнэ л дээ/

"Үгүйсгээгүй" гэдэг чинь тиймээ гэсэн ойлголт мөн үү?

БОРОО-г гавъяат блогчин гэж хэлээд байхад тэр өөрөө "үгүйсгэсэнгүй" гэх жишээтэй. Ингээд бичвэл Бороо өөрийгөө гавъяат гэж хүлээн зөвшөөрсөн үг, тиймүү?

Блогчдоо мод тарьцгаая

http://bnjigee.blog.gogo.mn — Mon, 13 Apr 2009 10:19:55 ULAST

За ГоГо андуудаа ийм нэгэн санаачлагыг миний танил дүү банжиг EmInEnT гэдэг залуу гаргасан бөгөөд найзууддаа дамжуулж өгнө үү гэж гуйсан юм. Иймд энэ уриалгыг дэмжиж байгаагаа илэрхийлээд, та бүгдийг оролцохыг УРИАЛЖ байна. дэлгэрэнгүйг:

Блогчдоо мод тарих уу хэдүүлээ

Хогондоо биш модондоо

Нэг мод тарьвал энэ насны буян

Хоёр мод тарьвал хойд насны буян

4 мөр бичих гэж оролдов

http://bnjigee.blog.gogo.mn — Fri, 10 Apr 2009 14:47:09 ULAST

Энгүй их далайд зорчихдоо

Энэрэх бяцхан завиа бүү орхи

Их үйлсийн аянд мордохдоо

Эгэл хомсхон зүйлсээ эс март

2009-04-09

Хандив уу? татвар уу? эсвэл торгууль уу?

http://bnjigee.blog.gogo.mn — Tue, 17 Mar 2009 13:12:48 ULAT

Монгол улсын Шинжлэх ухаан технологийн их сургууль 2006 оноос эхлэн сургуульдаа өөрийн гэсэн номын сантай болох эрхэм зорилтыг тавин ажиллаж эрдэмтэн судлаач, оюутан залуусыг баярлуулсан сайхан үйлсийг эхлүүлсэн билээ. Энэ барилга баригдаж хүсэн хүлээсэн номын сангийн цогцолбор баригдвал Эх орондоо мэргэжилтэй инженер бэлтгэх замд бид нэг биш нэлээд хэдэн алхам урагшлах нь дамжиггүй.

Бидний хүсэн хүлээж байсан энэ Номын сангийн цогцолбор барилга барьж эхлэхээсээ л нэг сайн болж өгөөгүй гэдэг нь хүн бүхэнд ил болоод байна. Анх номын сангийн барилгын шавыг тавьж ШУТИС-ийн удирдлагууд болон шалгаруулалтанд орсон үгүй нь мэдэгдэхгүй барилгын компаний боссууд нийлж их сүр болсон. Удалгүй барилгын ажил эхлэх болж Номын сангийн барилгыг барих талбайг чөлөөлөхөөр тус сургуулийн өмнө ашиглаж байсан лабораторийн барилгыг нурааснаар энэ их үйлс гараагаа эхэлжээ.

Лабораторийн барилгыг цаашид ашиглаж болохгүй гэсэн дүгнэлт гарсан байсан учир уг барилгын суурин дээр Номын сангаа барина гэж төлөвлөсөн байсан нь нэг бус хүнийг дургүйцүүлж байсан нь үнэн. Нэгэнт дүгнэлтээр ашиглаж болохгүй гэсэн учир нураах нь зүйтэй гэж үзэж тухайн үеийн ШУТИС-ийн ректор шийдвэр гарган хуучин барилгыг буулгаснаар хамаг хэргийн эх тавигдсан юм.

Төрийн өмчийг дур мэдэн нураасан хэрэгт татагдсан тэрээр албан тушаалаасаа чөлөөлөгдсөн төдийгүй зөв буруугаа тогтоолгохоор шүүх цагдаа болж болж өнөөх байшин суурийн нүхнээс хэтрэлгүйгээр жилийг тойрч, хажууд нь босгосон “байшин кран” суурилуулсан мөнгө болоод сул зогссоныхоо хөлсийг ШУТИС-аас авсан.

Дарга дорго нарын хэрүүл ч нэг тийш болж ахиад л Номын сан сүндэрлүүлэх их ажил өрнөдөг юм байна. Хурал цуглаан хийх болгондоо л “түүний” тухай ярина. Ингэж тэгэж байтал өнөөх гайхал хөрөнгө мөнгөний асуудал “болъё” гэтэл дурсагдана.

Багш нар та бүгдийн цалин хөлсийг энэ жилдээ нэмэх боломжгүй боллоо. Бидний хамгийн эрхэм зорилго бол номын сантай болох явдал. Энийг л босгоод авбал цалин хөлс дараа нь шийдэж болох асуудал мэтээр их сурталдаж, хөөрхий багш нар цалингаа ч ахиулж цадалгүй хэсэг дуугүй явцгаасан юм.

2009 он бол Монгол улсад мэргэжилтэй боловсон хүчин бэлтгэж эхэлсний 50 жилийн түүхэн их ой тохиож буй сайн жил юм байна. Энэ их ойдоо Номын их өргөөгөө бэлэглэх их амлалтыг ШУТИС хэн нэгэнд, эсвэл өөрсдөдөө өгч гарцаагүй сүндэрлүүлэхээр зориг шулуудсан нь энд хэлэх гэж буй санааг төрүүлсэн болно.

Ингээд ямар ч байсан номын сантай болно гэж байтал Дайны хажуугаар дажин болж Дэлхий нийт, улс орон даяар эдийн засгийн хямрал гээч хэцүүхэн юмтай тулгараад дахиад л нуман тулгуурт орох нь тэр. Мэдээж амьгүй байшинг босгохын тулд “амь орж” айлгаад байгаа мөнгийг бас босгох шаардлага гараад ирлээ. Улсын сангаас лав өгөхгүй гээд төсвийн тодотголд тусгаач үгүй учраас ШУТИС өөрөө өөрийн дотоод нөөц бололцоог дайчлахаас өөр аргагүйгээр ХАД мөргөв.

ШУТИС ч юу байхав дээ түүнийг удирдаж байгаа хүмүүсийн арга нь Дотоод нөөц болох багш, ажилтан, ажиллагсадыг саах явдал болон хувирч бүх нийтийн ХАНДИВ хэмээх зальжин аргыг сэдээд, нийтэд уриаллаа. Уриалга бол уриалга, хандив бол хандив гэж шууд Монгол утгаар ойлгож байсан чинь нэг л биш ээ. /Уул шугамандаа хандив гэдэг бол хүний өөрийн хүсэл зорилгоор нийлүүлдэг дэмжлэг гэж би ойлгодог./

Толгой сургуулийн ректорат гэдэг удирдах зөвлөл хэлцээд бүх багш нараас 2 кредит, эсвэл түүнтэй ойролцоо мөнгө, ажилтан ажилчдыг нэг өдрийн цалингаар нь торгох шийдвэрийг гарган харъяа сургуулийн удирдлагуудад даалгавар өгсөн байна. Энэ даалгаварыг хүссэн хүсээгүй уламжлах нь тодорхой. Хандивын дэвтэр гэсэн хавтас нээж, эхлээд бүх профессоруудаад хандив өгсөн гэсэн бичиг хүчээр бичүүлээдхэв. Бүх бүх багш нарын хурал дээр шүү. Дараа нь нөгөө дэвтрийг өрөө өрөөгөөр нь явуулж үндсэндээ “хүчин” хийж эхэллээ.

Хямралаас гарах арга бол “Төрийн хувьд ард иргэд, Сургуулийн хувьд багш нар” гэсэн тодорхойлолт ч хэлж болохоор болж. Энд тодотгож хэлэхэд хамгийн харамсалтай нь сургалтын төлбөрөө ч өгч чадаагүй байгаа оюутнуудыг хандив өгөхийг уриалж, багш нараар нь ятгуулахыг оролдож байгаа явдал юм.

Ард иргэд, багш, ажилчид оюутан залуус хямралд хамааралгүй гэсэн ойлголт лав байхгүй гэдэгт би итгэлтэй байна.

Эцэст нь хэлэхэд: Залуу багш нартаа өөрийн дээврийг барихад нь нэг төгрөгний ч “хандив” өргөөгүй байж, өөрсдийн буруугаас барьж чадаагүй барилгыг барихын тулд тэднээс “татвар, торгууль” авна гэдэг үнэхээр зөв шийдвэр мөн үү. Энэ залуучууд чинь тэртээ тэргүй өөртөө дээвэртэй болсныхоо төлөө банкинд цалингаа өгөөд байгаа гэдгийг анзаармаар л юм даа.

Шагналын үер буужээ

http://bnjigee.blog.gogo.mn — Mon, 16 Mar 2009 16:24:03 ULAT

Хүн хийсэн, гийгүүлснээрээ шагнал хүртэж урамшуулагдуулалгүй л яахав.

Гэхдээ өнөөдрийн шагнал нэг л биш ээ. Үхэхдээ үхэр буугаа тавина гэхчээр энэ Ерөнхийлөгч ямар их хур буулгаадахав даа. Хур гэхэд арай биш ээ. үер гэж хэлэх нь зүйтэй юм шиг байна

Цаана чинь Ч.Бат-Эрдэнэ гавьяат жүжигчин болсон байна

http://bnjigee.blog.gogo.mn — Mon, 16 Mar 2009 16:14:10 ULAT

Цаана чинь дуучин Ч.Бат-Эрдэнэ гавьяат жүжигчин болсон байна. Баяр хүргэцгээе

Хар уу? Шар уу?

http://bnjigee.blog.gogo.mn — Mon, 16 Feb 2009 10:38:16 ULAT

Манайхан бор дарсыг хэрэглэж эхлээд мөн ч их удаж. Сайнаар ч бас саараар ч тэр.

Энэ ундаа бидний амьдралд нилээдгүй хэмжээгээр нөлөөлж байгаатай маргах хүн байхгүй л болов уу. Бүгд л сайнаар дүгнэдэггүй атлаа хэрэглээд заншчихсан байгаа юм. Харин давуу нь юу вэ? Хямрал энэ тэрийг яриад байгаа үед бидний үндэсний үйлдвэрлэлийг хамгийн ихээр "дэмжиж" байгаа салбар бол яахын аргагүй Үндэсний манлай үйлдвэрлэгч гэгдэх спирт үйлдвэрлэгчид. за энэ ч яахав зүгээр л оршил маягийн юм болоодохлоо. Үндсэн асуудал:

Манайхан "Спирт бал бурам"-ын Чингис /хар/ гээч ундааг хэрэглээд багагүй хугацааг ардаа орхиж. Сайн ч ундаа. Ер нь хамгийн их гүйлгээтэй гээд хэлчихэд нэг их дэгсдэхгүй байхаа. Сайныг дагаж саар гэгчээр заавал хуулбар хувь байх нь гачлантай. Мэдээж хэрэггүй зүйлийг хуулж суух завтай хүн байхгүй байх л даа.

Тэр ундааны сав нь болоод таг нь улсын үнэт цаастайгаа Нарантуул захаас бөөнөөрөө олдлоо л гэх. Ингээд бидний хэрэглээ хязгаарлагдахаас өөр аргагүйд хүрч байгаа юм. Тоолгүйгээр хэрэглээд байхаар "Бөртэ чоно" улиадхавал бас хэцүү еэ.

Ингээд сүүлийн үед Хар хэрэглээнээс түрэгдэн GEM-ийн "Golden Chingis" түрж орж ирж байгаа юм. Гулгаж ороод гулигуулахгүй гардаг сайхан эд юм байна. Ингээд байж байтал Хар Чингис чинь чонын удам биш Шар Чингис жинхэнэ удам нь гээд уливал бас хэцүүднээ дээ.

Эцсийн эцэст бид чинь шударга нь дээр гээд "өвөө" залгилах болж байна уу аа. Энэ их хуулбар хувь гэж ярих болоод хийх нь "үндэсний үйлдвэрлэл"-ийг жагсаалаас гарган унагах харийн санаа юм биш байгаа даа.

Ер нь та минь ээ Хар уу? Шар уу? эсвэл бүр өөрийг үү

Бүгдэд нь шинэ жилийн мэнд хүргэе !!!

http://bnjigee.blog.gogo.mn — Wed, 31 Dec 2008 12:21:45 ULAT

Бүгдэд нь шинэ жилийн мэнд хүргэе !!!

Сайхан баярлацгаагаарай

Жигээ

12 сарын 28-ны өдөр

http://bnjigee.blog.gogo.mn — Sun, 28 Dec 2008 11:30:40 ULAT

Энэ өдөр миний охин нэг нас хүрлээ

12 сарын 28

http://bnjigee.blog.gogo.mn — Sun, 28 Dec 2008 10:20:00 ULAT

Шинэ жил болох гээд хүн бүхэн л догдлоод, бас хүлээгээд. Би хүний нэгэн адилаар дунд нь хөөрч л явна. Гэхдээ би энд нэгэн өөр сэгтгэгдэл бичихийг хүссэн юм.

Хориод жилийн өмнө “тэмдэглэсэн” тэр нэг шинэ жил их л хүндхэн өнгөрч билээ. Тэгэхэд би сурагч байж дээ. Манай сургуулийн шинэ жил 12 сарын 28-нд болсныг би сайн санаж байна. Сурлагаар тэргүүлээд өвлийн өвгөнөөс бэлэг авах байсан болохоор өглөө хар үүрээр сэрчихээд 10 цаг болохыг их л удаан хүлээж билээ. Хүлэээсэн цагт сургуулийн биеийн тамирын зааланд шинэ жил эхэлж, Цалин мөнгөн тэнгэртээ цасан угалз наадуулаад өвлийн өвгөн орж ирж бэлгээ тараалаа.

Би гэдэг хүн сүлд модондоо тавын тоогоо зүүж, шинэ жилийн бэлгээ авчихаад хар хурдаараа гэр рүүгээ гүйгээд замд таарснаа ч мэдэх сөхөөгүй амьтан. Яагаад ч юм намайг ингэж хөөрч, нисч харьхад аав хашааны арын хаалган дээрээ намайг хүлээгээд байж байсан. Бэлгээ үзүүлэх гээд хашгираад очтол аав “ах чинь өнгөрчихлөө” гэж дуулдахтай үгүйтэй . . .

Уг нь манайх эхээс зургуулаа, тэр үед тавуулаа өнөр өтгөн, дэндүү дулаанхан айл байж. Тэр жилийн хавар том эгч хүү төрүүлж, би дүүтэй болон манайх бүл нэмсэн юм. Удаа ч үгүй дээ 11 сард эгч минь бүл нэмж өгсөн шигээ биднийг орхиод үүрд яваад өгсөн. Дүү наймхан сартай юугаа мэдэхэв. Цаг хугацаа ямар зогсох биш, хүүхэд байсныг ч хэлэх үү сар өнгөрөхөд л би мартагнаж.

Шинэ жил болоод хөөрсөн хүүхэд тэр л өдөр ахыгаа үдсэн юм. Сумын төвийн ашиглагдахаа байсан уурын зуух . . . Гайтай тэр байгууламжийн янданг буулгаагүй, татлагыг нь бас тайлаагүй байж. Хүүхэд л юм хойно заавал болохгүй зүйлээр оролдоно доо. Янданг унагахгүй гэж бэхэлсэн татлага ахыг минь харин унагачихсан юм билээ.

Эгчийг санасан юм уу миний ах, байгаа газраас нь авч ирэх гэсэн ч юм уу мэдэхгүй, яваад л өгсөн. Буцаж ирээгүй. 1952 онд маршал Х.Чойбалсанг нас эцэслэхэд Монгол даяараа цагаан сараа тэмдэглээгүй гэдэг. Харин 1989 онд манайх шинэ жилийг тэмдэглээгүй юм. Ахыг хөдөөлүүлж, эгчийн хоногийг хураах гээд муу аав, ээж минь их л зүдэрсэн. Тийм болоод ч тэр үү тэр жилийн шинэ жил л миний сэтгэлд хамгийн “тод” үлдсэн юм болов уу даа.

Юм гэж бас учиртай байдаг юм уу даа. Өнгөрсөн жилийн шинэ жилээр бүр 12 сарын 28-ны өдөр миний авч яваа манайх гэдэг айл хөөрхөн охинтой болсон. Одоо шулганаад, дээрээс нь гүйх гэж оролдоод . . .

2007 оны 12 2008 оны 12 сар

Яагаад ч юм 12 сарын 28-ныг хүлээгээд байх шиг

нахианд 3

http://bnjigee.blog.gogo.mn — Fri, 26 Dec 2008 12:42:54 ULAT

найранд 3
наадамд 3
нахианд 3

нахианд 3-ыг тайлбарлаж өгөөч

Нийтийн тээврийг дэмжье

http://bnjigee.blog.gogo.mn — Thu, 18 Dec 2008 12:09:38 ULAT

Монголчууд бид чинь нийгмийн тогтолцооноос хоёрыг нь алгассан гэж цээжээ дэлдэж байсан цаг саяхан. Боолын нийгмийг алгасна гэдэг үнэхээр сайн хэрэг. Харин Капиталын нийгмийг, Капитализмыг алгасч харайсан явдал бол тийм ч сайн үр дагавар бидэнд авч ирээгүй. Одоог хүртэл барууны орныхны очиж чадаагүй Социалын нийгмийг бид харин түрүүлээд туулчихсан, энэ нийгмийн ул мөр ч биднээс арилаагүй байна. Аргагүй л агуу их хөшөө дурсгалаа босгож. Хөшөө тийш зурайх ард түмний мөр ч балраагүй байна. Үүний хамгийн тод илрэл бол бэлэнчилгээ, хялбарчилгаа, хөнгөлөлт.

Энд би “Нийтийн тээврийнхэн” гэдэг нэгэн айлын талаар дурсах гэсэн юм. Давхидаг, дайрдаг, мөргөдөг. Загнадаг, хэрэлддэг, цохидог, чимхдэг. Хүйтэн, харанхуй, хогтой тоостой гээд тэднийг рекламдах “сайн” үгс хаа сайгүй л сонсдоно.

Хориод жилийн өмнө Ардчилсан хувьсгал гээч өрнөж бид ниймгийн тогтолцооноосоо нэг ухарч Капиталын нийгэмд хөл тавьсан. Ингээд л хүн бүр л өөрийн амьдралаа өөрөө зохицуулах хүнд бөгөөд шударга ажилтай болсон юм шиг. Даанч энэ нь шударга бус байх нь гачлантай.

Өглөө бүр хар үүрээр эртлэн босч хөдөлмөрчин олныг, оюутан сурагчдыг, ахмад буурлуудыг хаана очих тэр л газарт нь хүргэхээр тэд ажлаа эхэлдэг. Ингэж эхлүүлэх виза авахын тулд тэд дардан замаар хариалгаагүй. Хөл залгуулах унаагаа авах гэж хуруу хумсаа хугартал л хөдөлмөрлөсөн, авсан. Ингээд ч зогсоогүй үйлчилгээнд явах эрхээ авах гэж бас багагүй шагнал тараасан. Нэгэнт үйлчилгээ явуулж байгаа хүн түүнийхээ хөлсийг авах нь зүйн хэрэг. Харамсалтай нь бидний өнгөрсөн нийгмийн бурангуй үзлийн үлдэгдэл болсон нийтийн тээврийн “ХӨНГӨЛӨЛТ” гээч тэдний ажлыг алдуулж, нервийг барж байгаа нь нууц биш байна.

Тээврийн хэрэгслээр зорчих тэр олон хүнээс хэд нь харин хөлсөө төлдөг бол оо. Өвөө, эмээ нар улсад хийдгээ хийчихсэн гэдийчихнэ, өнөөх цагдаа нар албан ажлаа автобусаар хийдэг гээд томорчихно, оюутан сурагчид карт үзүүлээд бултана, уудаг нөхдүүдээс ч юуг нь авах вэ дээ. Энэ их хөнгөлөлтүүд нь эргээд ирдэг нь цөөн.

Тэр их хөнгөлөлт гэдгээ авах ёстой хүмүүст нь хуваарилж өгчихөөд бүгдээрээ л ижил төлөөд явж байвал уг нь зүгээр санагдах юм. Яг үнэндээ төр засаг гээч маань хувийн өмч рүү халдаад байгаа мэт харагдах юм. Сонссон болоод үзсэн жишээтэйгээ харьцуулъя л даа. Нийгэмд бүх хүн л тэгш эрхтэй.

Энэ настангуудыг үнэмлэхээр явуулж байхаар тэтгэвэр дээр нь тэр хуваарилаад байгаа мөнгө нэмчихэж болдоггүй л юм байхдаа. Гэртээ суудаг нь хоцроод байна. Тэгээд ч үйлчилгээний хүмүүст тэд юу ч хийж өгөөгүй. Яахав өмнөх нийгэмд улс оронд ихийг л хийгээ биз. Гэхдээ л тэд цалин авч л байсан ш дээ.

Оюутнуудын билет энэ тэр гэж заваарч байхаар сургалтын төлбөрт нь багтаагаад сургуульд нь хуваарилж бас болно доо. Оюутны билет хуваарилах нэрээр завсарт нь зөндөө л идэж байна ш дээ тэр холбоо гээч нь. Ойрхон гэртэй автобусаар явдаггүй хэд нь тэгээд тэр гайхалтай ХӨНГӨЛӨЛТөөс хүртэхгүй л байна. Ямаа бүрт ижил хуваарилж чадсан юм бол харж үзэх хүмүүсээ битгий ялга л даа.

Эцсийн эцэст энэ балиар хөнгөлөлт энэ тэрээ хувийн хэвшил болоод, хувийн өмчрүү битгий халдаагаад бай. Унаагаар үйлчлүүлж байгаа бол хөлс төлөх л ёстой. Би хөнгөлөлт эдэлдэг гээд гуанзнаас хуушуур нэхээд унавал яах юм бэ, бүр үнэмлэх үзүүлээд шүү.

За тэгээд энэ сонин тогтолцоог халчихвал үйлчилгээ нь аяндаа засрах байх л гэж бодох юм. Хүнээс юм авахдаа инээдэг шиг, авах юмыг нь өгөхгүй бол уурлах нь зөв шүү дээ.

НИЙТИЙН ТЭЭВРИЙГ ДЭМЖЬЕ хүмүүсээ

Хээр хоносон шинэ жил

http://bnjigee.blog.gogo.mn — Tue, 9 Dec 2008 12:45:12 ULAT

Зааг, нэгэн түүх өгүүлье. аймаар үүх түүх ч биш л дээ. Эхний үг ч бас Зааг сервис биш.

8-р ангид байжээ. Цаад сум руу гаа гараад л давхисан, давхисан ч гэж дээ давхиулсан. Яахав бага байхад олимпиад гэж яманд оролцдог байлаа. Сумын төвийн радио релейнмй ГАЗ-53 машины бэрцээвэн дээр суугаад, яг үнэндээ бол хэвтэж явсан л даа. Аавын нэхий дээлийг өмсөж, ахын эсгий гутал углаад, эгчийн макерин ороолтыг зүүгээд Сандагаас лоузыг нь зээлж тавиад хэвтчихсэн. Ер нь миний гэж хэлэхээр хувцас бараг байгаагүй юм шиг байгаа юм. Арай л гэж 50 км-ыг аргалсан юм даг. Тэгээд орой болж байхад очоод, дотуур байранд хоноод.

Өглөө нь сургууль дээр нь хэдэн тоо бодоод л 300 төгрөгний шагнал хүртэв. Тэрний дараанаас л дараагийн башо-д орохоор аймаг явах бэлтгэл эхэлсэн дээ.

Гуруун зуун төгрөг ч бас их мөнгө байж дээ. Аймагт очихоороо тансаглана, тэр үед ёолк болно энэ тэр юм бодоод л, хүлээгээд л. Тэгж тэгж нэг юм явах болжийно оо. 12 сарын 28 наас эхлээд л унаа хайсан. Би ч хайгаад ямар юм олох биш, манай ояаката л зайлуул баахан явсым шиг байгаа юм. Арай гэж 12 сарын 31-ны орой товчоон дээрээс нэг замын унаа олчихлоо, ес гээд хөдлөнө шүү гэсэн мээсээж явуулсныг нь баяртайгаар хүлээн аваад хувцасны цуглуулгаа өмсөөд хүлээчихсэн.

Зурагтаар Шүүрик гараад хүнүүс бүгд л тэрийг үзээд, би ч машин хүлээгээд юун шинэ жилтэй манатай. Ээж харин бууз жигнэж өгөөд, баруун хацар дээр үнсээд би ч аяндаа гараадхав. Багшийн гэр ойрхон байсан болохоор алхаад л очсон. Хамт багш болоод 10 дугаар ангийн нэг аниа явсан юм даг.

Энэ удаагийн унаа ачаатай ЗИЛ-130. Уг нь ачаа нь нэг их өндөр биш л дээ. Гэхдээ л кабинтайгаа чацуу болохоор жаахан түгшүүртэй. Багш ч яахав том хүн болохоор кабинд жолооч нартай суугаад, аниа бид хоёр ачаан дээр бэржээк нөмрөөд хэвтчихлээ хөөрхий. Яваад л байсан ... Арай гэж 60-аад км-ыг ардаа хийгээд байж байтал голын мөс цөмрөөд машины дугуй талдаа орчихдог байгаа. Энэндээ ч зугаатай байсаан. банз барьж гүйгээд, дугуйн доогуур шургуулаад. Дараа нь харин даараад ирэх үед ч эвгүйдсэн дээ. Тэр мөс цөмрөнө гэдэг чинь ч бас хэцүү эд байдын билээ. том нуур байсан бол ч тэгээд өнгөрөө л дөө. Аз болж жижиг гол байсан болохоор би ингээд байж байгаа юм.

Уулын энгэрт нэг нохой хуцах сонсогдоод байна гэж жолоочийг хэлэнгүүт л тэр зүг рүү алхаад наасан. Яваад л байсан яваад л байсан. Тэгж тэгж нэг айлын бараа харсаад аяганы амсар зуугаад. Буцаад л явсан. Тэгээд өглөө гэгээ орохоор оролдохоос гээд байсан байр байрандаа очицгоолоо. Нөгөө муу бэржээк чинь хайраад хэцүүдүүлж байгаа гэж. Багш яахав кабинд шинэ жил тэмдэглээд дулаацаж байгаа гэж.

Аравдугаар ангийн аниа бид хоёр ч тэврэлдэх нь холгүй амьтад. Аниа юу гэж бодож байсан юм бүү мэд. Уг нь орон дээр хэвтэж байсан болч юмыг яаж мэдэхэв ай. За за хадуурах нь. Тээр жилийн тэр нэг шинэ жилийг иймэрхүү л угтаж байлаа. Яахав тэгж тэмдэглэсний хүчинд аймагт аврагалж 500 төгрөгтэй болсон.

Шинэ жил гээчийг ХЭЭР ХОНОЖ угтсан л юм байна.

3,14R гэж

http://bnjigee.blog.gogo.mn — Sat, 6 Dec 2008 13:03:47 ULAT

Энэ хүн болгон л ярих юм. 3,14 R гэж . . .

Сонгууль болсон ч, уралдаан болсон ч. Даавкагийн бичлэгийг уншаад, доорх сээгийг хараад сууж байтал Навчхан ПиАр гээд аваад хаясан байна.

би бодлоо. Пи тоо чинь 3,14 тэгээд Аангли цагаан толгойд Ар=R гэж байдаг юм байна. тэгэхээр 3,14R ингэж хэлбэл яадаг бол гэж. за за мэдэхгүй зус